Turkiyaning nufuzli tibbiyot universiteti Buxoroda o‘z faoliyatini boshladi

Turkiya va O‘zbekiston o‘rtasidagi ta’limiy hamkorlik yana bir muhim bosqichga ko‘tarildi. Endilikda Turkiyaning yetakchi oliy ta’lim muassasalaridan biri — Sog‘liq Bilimlari Universiteti (SBÜ) Buxoro shahrida o‘zining rasmiy filialini ochdi.

Yangi filial faoliyati boshlanishi bilan O‘zbekiston yoshlari uchun xalqaro darajadagi tibbiy ta’limga yo‘l ochildi. Universitet o‘zining amaliyotga yo‘naltirilgan o‘quv dasturlari, tajribali professor-o‘qituvchilari va zamonaviy laboratoriya infratuzilmasi bilan mashhur.

SBÜ – Turkiyadagi tibbiyot ta’limining eng zoʻrlaridan biri. U nafaqat Turkiyada, balki xalqaro miqyosda ham yuqori obro‘ga ega bo‘lgan ilmiy-tadqiqot markazidir.

Talabalar endi Buxoroda turib, xalqaro sifatdagi diplom olish imkoniga ega.

Universitet Turkiyaning Sog‘liqni saqlash vazirligi bilan bevosita hamkorlikda faoliyat yuritadi. Bu esa o‘quv jarayonini real sog‘liqni saqlash muhitiga yaqinlashtirish imkonini beradi.

Filial ochilishi natijasida O‘zbekistonda tibbiyot sohasi bo‘yicha malakali kadrlar tayyorlash, ilm-fan va amaliyot o‘rtasidagi integratsiyani mustahkamlash ko‘zda tutilgan. Shuningdek, SBÜ filialida tahsil olgan talabalar Turkiya va boshqa xorijiy davlatlarda stajirovka va amaliyot o‘tash imkoniyatiga ega bo‘ladilar.

Ayni damda universitet faoliyat yuritib kelmoqda.